Øystein Windstad

oystein.windstad@lomedia.no

Det kan gå mot ekspressfart i innføringa av det som skal bli den nye tenestemannslova, Lov om statens ansatte. Regjeringa har sendt forskrifta til lova ut på høyring før sjølve lova er vedteke:

– Eg trur ikkje det er vanleg. Det har nok samanheng med at regjeringa i dette tilfellet ønskar den nye lova ikraftsatt nokså raskt. På denne måten går regjeringa fram raskare enn det som ofte er tilfelle med lovgjeving, fortel Eivind Smith som er professor ved Universitetet i Oslo og styreleiar i Institutt for samfunnsforskning.

• Sjekk her kva yrker som tener mest i Norge

Uvanleg og lovleg

Det er venta at Høgre og Frp vil sikre fleirtal for den nye lova med støtte frå Venstre. Professor Smith seier at framgangsmåten under ein del føresetnader er lovleg:

– Sjølv om at det er uvanleg at høyringa skjer før lova, treng det ikkje å vere ulovleg. Men føresetnaden er at forskifta held seg innanfor ikkje berre lovforslaget, men også det som måtte bli vedteke på Stortinget, om det skulle skje endringar der, fortel professoren.

Les mer

• – Den nye lova kan føre til kompis-tilsettingar

• Meiner den nye lova fjernar grunnleggande rettar