Bakke drar til Førde
Fellesforbundets leiar Arve Bakke vil reise til Førde for å prøve å løyse personalkonflikten i avdelingen.
05.10.2011
09:37
16.12.2013 17:12
Bakke seier til NRK Sogn og Fjordane at han håpar å unngå at saka havner i retten.
- VI må gjera vårt ytterste for å finne ei god løysing på saka, seier han.
Forbundsstyret i Fellesforbundet skal handsame saka i dag, på sitt møte foran landsmøtet i Oslo som byrjar fredag.
Oppsagd
Saka starta då organisasjonsarbeiar Jarle Kirketeig gjekk ut i media og skulda fylkesleiar i Sogn og Fjordane Magne Ulvatn for mobbing. Kirketeig fekk seinare sparken av fylkesstyret.
– Eg synst det er veldig fint at Bakke som sit som øvste leiar tek seg tid til å sjå på denne saka som gjeld meg, seier Kirketeig til NRK.
Ulvatn har tidlegare ikkje uttalt seg, men seier no til NRK at også han er glad for at Arve Bakke vil dra til Førde.
