Feigt og pinleg?
Under overskrifta «Feigt og pinlig» hissar redaktøren i LO_Aktuelt, Svein-Yngve Madssen seg opp til dei store høgder (20.6). Han mislikar eit oppslag i Aftenposten same dag, der eg og leiarane i YS og Akademikerne etterlyser regjeringa si oppfølging av viktige arbeidstakarsaker.
Dette får redaktøren til å konkludere med at det er feigt å ikkje rå medlemmene til å stemme blått. Å fremme viktige arbeidstakarkrav som fast tilsetting, sikre pensjonsvilkår m.m. er altså å sjå på som støtte til blå politikk når det kjem som kritikk mot regjeringa. I følgje Madssen.
– Les også: Svein-Yngve Madssens kommentar «Feigt og pinling»
Men konsistent er redaktøren ikkje. Han ilar nemleg til med å seie at det er lov å kritisere manglar ved den «rødgrønne regjeringens arbeidslivspolitikk». Men det må tydelegvis helst kome frå rett hald, og viser til at også LO har kritisert regjeringa. Tenk det!
I tråd med sin eigen «logikk», etterlyser Madssen ryggrad hos andre. Difor er det ikkje overraskande at redaktøren bruker «Fri»fagbevegelse til å rope feigt og pinleg om ytringar han ikkje likar.
