Nav trekker for mykje skatt i januar. Du må rette opp feilen sjølv
Ein feil i Skatteetatens trekkodar gjer at du kan bli trekt for mykje i skatt.
Nav
colourbox
tormod@lomedia.no
Fleire som mottar utbetalingar frå Nav har fått for høgt skattetrekk i januar, melder Skatteetaten på nettsidene sine.
Dette gjeld dei som får utbetalt:
• Uføretrygd
• Pensjon
• Overgangsstønad, sjuke-, foreldre-, svangerskaps-, omsorgs- eller pleiepengar.
• Feilen gjeld også dei som får utbetalt arbeidsavklaringspengar eller dagpengar, men her har Skatteetaten laga nye skattekort med riktig trekk.
Feil i trekkodene
Feilen ligg i dei nye trekkodene i etatens system. Kodane i skattekortet for 2018 gjer at Nav trekker skatt av utbetalinga som ei biinntekt, og som at du har hovudinntekta frå ein annan utbetalar, opplyser etaten. Har du derimot hovudinntekta di frå Nav, må du endre skattekortet.
Veit ikkje kor mange det gjeld
På spørsmål frå frifagbevegelse.no svarer Skattedirektoratet at dei ikkje veit kor mange feilen gjeld.
Du må dermed undersøke dette sjølv. Du må først og framst sjekke skattetrekksmeldinga di, er rådet frå Nav. Du er sjølv ansvarleg for at det blir trekt riktig skatt, slår dei fast.
Du må rette feilen sjølv
Du må sjølv rette feilen, er meldinga frå Skatteetaten. Det gjer du ved å bestille nytt skattekort på skatteetaten.no og huke av for prosenttrekk. Ein kan også ringe Skatteetaten og be om skattekort med prosenttrekk. Deretter vil Nav hente inn det nye skattekortet ditt.
Men mottar du arbeidsavklaringspengar eller dagpengar, slepp du å gjere dette sjølv. Skatteetaten har laga nye skattekort for desse, og skattetrekket skal vere riktig for dei fleste, opplyser etaten.
Tilbakebetaling
Du får tilbakebetalt beløpet du har blitt trekt for mykje, så snart nytt skattekort er utstedt og henta av Nav. Om du ønskar å få dette tilbakebetalt no, må du kontakte Nav.
«Skatteetaten beklager ulempene som et feilaktig høyt skattetrekk kan medføre. Vi samarbeider med NAV om tiltak for å redusere omfanget og finne gode løsninger,» skriv dei på nettsidene sine.
Datoane for utbetalingar:
• 19. januar: Uføre-, alderspensjon og AFP, overgangsstønad
• 22. januar: Arbeidsavklaringspengar og dagpengar
• 23. januar: Sjuke-, foreldre-, svangerskaps-, omsorgs- og pleiepengar
NB: Det er for seint å endre skattetrekket for desse utbetalingene i januar. For å få rett skattetrekk i februar, må du endre skattekortet i god tid før utbetalingsdato.