Fellesforbundet-medlem Seweryn Dumanski slo til på tilbodet frå fagforeininga om norsk- og fagteorikurs.
Tormod Ytrehus
Bemanningsbyrå
Polske Seweryn tar norskkurs og fagbrev etter ti år i Noreg: – Aukar verdien min
No håpar Seweryn Dumanski (50) på høgare lønn, fast jobb utanfor bemanningsbransjen og å føle seg som ein del av det norske samfunnet.
tormod@lomedia.no
OSLO: Dei siste ti åra har han jobba som forskalingssnikkar for bemanningsbyrået Workshop Bemanning.
I vår slo Fellesforbundet-medlemmen til på fagforeininga sitt tilbod om norskkurs og teorikurs i betongfaget, sånn at han kan ta teorieksamen og fagprøva som såkalla praksiskandidat. Men det er ikkje berre på grunn av det norske fagbrevet han vil lære språket.
– Eg har lært litt norsk, men vil snakke meir med folk. Det blir einsamt utan vennar og djupare samtaler. Norsk språk gir deg moglegheiter i Noreg, forklarer 50-åringen – som vil finne ut om han kan bli ein del av det norske samfunnet.
Fagbrevet vil han ta for å få høgare lønn og fast jobb hos ein av entreprenørane han har vore utleigd til.
14 kroner meir per time er forskjellen på minstelønna i tariffavtala for byggfaga, med fagbrev eller svennebrev i faget. Fagbrevet handlar om verdigheit, fortel Dumanski som har fem års yrkesskole frå Polen.
– Eg vil at sjefane på byggeplassen skal respektere meg, dei ser meg berre som innleigd. Fagbrevet aukar verdien min og gjer at eg står sterkare på arbeidsmarknaden.
Å kunne norsk er ikkje berre ein fordel når ein skal lese fagteori, men også ein døropnar for å bli ein del av samfunnet. Det meiner polske Seweryn Dumanski.
Tormod Ytrehus
Norsk og fagbrev er nøkkelen
Neste år kan ikkje Dumanski jobbe som innleigd i hovudstaden lenger. Støre-regjeringa har nemleg varsla eit innleige-forbod på byggeplassar i Oslo-området.
Bygningsarbeidernes Fagforening i Oslo har lenge kjempa for lovendringa, og fagforeininga jobbar no med å hjelpe medlemmane i bemanningsbyråa til å få ny jobb hos entreprenørar.
Norskkurs og fagteorikurs er ein nøkkel, forklarer fagforeiningsleiar Joachim Espe.
– Det styrkar posisjonen til medlemmane i arbeidsmarknaden. Ein må lære norsk for å ta fagbrev eller svennebrev, men også for å styrke posisjonen sin som samfunnsborgar. Og vi ser at bedrifter som tilset folk, spør etter norsk språk og fagkompetanse.
Rundt 130 av medlemmane i fagforeininga jobbar i bemanningsbyrå. Fagforeininga anslår at over 20 prosent av dei 2.500 yrkesaktive medlemmane er arbeidsinnvandrarar og har behov for norskkurs.
Norsk språk og fagkompetanse gjer at du står sterkare rusta både i arbeidslivet og samfunnet generelt, og gjer det enklare å få jobb utanfor bemanningsbransjen. Det meiner leiar Joachim Espe i Bygningsarbeidernes Fagforening i Oslo.
Håvard Sæbø
Fagforeininga arrangerer kurs
Fagforeininga arrangerer norskkurs og fagteorikurs for tømmer, betong og røyr i samarbeid med private tilbydarar. Kursa starta i fjor haust, med nye kurs kvart semester. Og kursa er delvis finansiert av studiestipendet som deltakarane får frå LO om dei har vore medlemmar i Fellesforbundet i over eitt år. Resten dekker fagforeininga.
– Det er lang venteliste. Det er mykje arbeid med pensum etter arbeidstid, så medlemmane er motiverte, seier Espe.
Teorieksamen og fagprøva må medlemmane betale sjølv, men Espe minner om at arbeidsgivar skal ta rekninga dersom bedrifta har tariffavtale.
– Mykje av det vi gjer er eigentleg bedriftene sitt ansvar, meiner fagforeiningsleiaren.
Han seier fagforeininga no jobbar for at norsk- og fagteori-kursa skal bli ein del av bransjeprogrammet for byggebransjen – eit samarbeid mellom arbeidsgivarane, Fellesforbundet og myndigheitene. Og ein del av etter- og vidareutdannings-programmet i tariffavtala.
Annonse frå bemanningsbyrå skaper reaksjonar: – Kreativt påfunn for å sno seg rundt innleieforbudet
Fire spørsmål og svar om fagbrev
Korleis tar eg fagbrev?
Du kan ta fagbrev eller svennebrev som vaksen, altså sjølv om du ikkje har tatt det gjennom opplæring i vidaregåande skole og som lærling i ei bedrift: Om du har lang nok praksis i faget, kan du ta teorieksamen og fagprøve eller sveineprøve som privatist. Ordninga blir kalla «praksiskandidat». For dei fleste er fem år lang nok praksis. Du kan også ta fagbrev eller svennebrev etter berre eitt års praksis i faget. Men da må jobben og fylkeskommunen din ha ei ordning for opplæring. Den ordninga blir kalla «fagbrev på jobb». Ein god start er å kontakte fagopplæringskontoret i fylket ditt.
Kan eg få støtte til å ta fagbrev?
Jepp, som praksiskandidat kan du få inntil 10.500 kroner i stipend frå LOs utdanningsfond. Du kan også få 4.000 kroner til kortare kurs og kurs innanfor «yrkesnorsk», altså norskkurs retta mot bruk i jobben din. Kravet er at du har vore medlem i Fellesforbundet i over eitt år (eller medlem i ni andre LO-forbund som er med i ordninga, da).
Funkar utanlandsk fagbrev i Noreg?
Ja, du kan få ei utanlandsk fagopplæring sidestilt med eit norsk fagbrev eller svennebrev. Men først må du sende ein søknad til Nokut om å få opplæringa godkjent. Det nasjonale kontrollorganet vurderer deretter om fagopplæringa di er bra nok oppimot med den norske.
Får eg høgare lønn med fagbrev?
Ja. Tariffavtalene til Fellesforbundet har høgare minstelønn for fagarbeidarar enn ufaglærte, og dei fleste bedriftene har avtalt enda høgare lønn med Fellesforbundet-klubbane lokalt. Spør tillitsvalt på jobben kva forskjellen er på din arbeidsplass!
Minstelønna for fagarbeidarar på byggeplassar og verft er faktisk lovfesta i Noreg. Det betyr at minstelønna i tariffavtala også gjeld dei som ikkje har tariffavtale på jobben. Lovene om minstelønn er ikkje oppdaterte etter siste lønnsoppgjer, men skal bli det i haust.
Dessutan er likebehandling av innleigde frå bemanningsbyrå lovfesta i Noreg. Det betyr at du har rett på minst like gode lønns- og arbeidsvilkår som fast tilsette i bedrifta du er utleigd til.
Fire spørsmål og svar om fagbrev
Korleis tar eg fagbrev?
Du kan ta fagbrev eller svennebrev som vaksen, altså sjølv om du ikkje har tatt det gjennom opplæring i vidaregåande skole og som lærling i ei bedrift: Om du har lang nok praksis i faget, kan du ta teorieksamen og fagprøve eller sveineprøve som privatist. Ordninga blir kalla «praksiskandidat». For dei fleste er fem år lang nok praksis. Du kan også ta fagbrev eller svennebrev etter berre eitt års praksis i faget. Men da må jobben og fylkeskommunen din ha ei ordning for opplæring. Den ordninga blir kalla «fagbrev på jobb». Ein god start er å kontakte fagopplæringskontoret i fylket ditt.
Kan eg få støtte til å ta fagbrev?
Jepp, som praksiskandidat kan du få inntil 10.500 kroner i stipend frå LOs utdanningsfond. Du kan også få 4.000 kroner til kortare kurs og kurs innanfor «yrkesnorsk», altså norskkurs retta mot bruk i jobben din. Kravet er at du har vore medlem i Fellesforbundet i over eitt år (eller medlem i ni andre LO-forbund som er med i ordninga, da).
Funkar utanlandsk fagbrev i Noreg?
Ja, du kan få ei utanlandsk fagopplæring sidestilt med eit norsk fagbrev eller svennebrev. Men først må du sende ein søknad til Nokut om å få opplæringa godkjent. Det nasjonale kontrollorganet vurderer deretter om fagopplæringa di er bra nok oppimot med den norske.
Får eg høgare lønn med fagbrev?
Ja. Tariffavtalene til Fellesforbundet har høgare minstelønn for fagarbeidarar enn ufaglærte, og dei fleste bedriftene har avtalt enda høgare lønn med Fellesforbundet-klubbane lokalt. Spør tillitsvalt på jobben kva forskjellen er på din arbeidsplass!
Minstelønna for fagarbeidarar på byggeplassar og verft er faktisk lovfesta i Noreg. Det betyr at minstelønna i tariffavtala også gjeld dei som ikkje har tariffavtale på jobben. Lovene om minstelønn er ikkje oppdaterte etter siste lønnsoppgjer, men skal bli det i haust.
Dessutan er likebehandling av innleigde frå bemanningsbyrå lovfesta i Noreg. Det betyr at du har rett på minst like gode lønns- og arbeidsvilkår som fast tilsette i bedrifta du er utleigd til.
Mest lest
BITTERT: Per Olav Truberg har jobba mange år i matindustrien. Takken var oppsigelse da han havna i operasjonskø med et trøble kne.
Erlend Angelo
Per Olav mistet jobben i operasjonskø: – Det er veldig sårt
BELASTENDE YRKE: Frisør og tillitsvalgt Kaja Aga Gaarder tar smertestillende for å klare arbeidsdagen. Etter en bilulykke har hun daglige smerter. Men hun tok smertestillende på jobb også før ulykken. Her fikser hun håret til Victoria Gjone.
Jan-Erik Østlie
Bruken av smertestillende øker: Kaja starter alltid arbeidsdagen med en Paracet
Unni tar gjerne på seg ekstra vakter. Hun elsker å gjøre en forskjell.
Eirik Dahl Viggen
Unni (65) var lei av livet som pensjonist. Da gjorde hun et uvanlig valg
Roy Ervin Solstad
Han er blant dem som har kommet med fete lønnskrav
OPPGJØR: Årets lønnsoppgjør står for døren og elektrikerne starter sine forhandlinger 22. april. Her er en Bravida-montør i sving med akkordarbeid på Drammen sykehus tidligere i år.
Leif Martin Kirknes
Når får du ny lønn? Disse datoene må du merke deg
Håndverkere oppgir en høyere bruk av narkotika enn gjennomsnittet. Elektrobransjen frykter det kan føre til flere farlige situasjoner og ulykker på arbeidsplassene.
Leif Martin Kirknes
Økt kokainbruk blant unge elektrikere
Martine Lie satser på at et par måneder med permittering går greit.
Erlend Angelo
Potetmangel gir permitteringer i Bama
FLEST KVINNER: I rapporten kommer det fram at det ofte er unge kvinnelige ansatte, både med norsk og utenlandsk opprinnelse, som er skadelidende.
Colourbox.com
Renholdere trues med at de mister jobben om de er syke
HENTER I BARNEHAGEN: Fengselsbetjent Jørgen Myrvold samler overtid for å ha et hjem til barna. Han er helt avhengig av et godt lønnsoppgjør for å fortsette i fengsel.
Eirik Dahl Viggen
Jørgen (29) overlever på overtidstimer
Høyres Henrik Asheim er glad for å ha fått pensjonsforliket gjennom - og håper endringen er på plass allerede neste år.
Jonas Fagereng Jacobsen
Høyre vil ha superrask behandling av nye pensjonsregler
BLITT BEDRE: Etter at de fikk tariffavtale, syns tillitsvalgt Benjamin Jacobsen at samarbeidet med ledelsen har blitt bedre.
Herman Bjørnson Hagen
Sjefen mente de ansatte sluntra unna. Da begynte ballen å rulle
MÅLRETTA: Butikkansatt Ali Rahimi forteller arbeidsminister Tonje Brenna hvor hardt han har jobba for å lære seg norsk og få et normalt liv etter flukten fra Afghanistan.
Brian Cliff Olguin
Ali kom fra Afghanistan som 17-åring. Han lærte seg norsk gjennom butikkjobben
Knut Viggen
Tidligere LO-leder blir korrupsjonsjeger
Etter en tøff runde med sensorer som skjelte henne ut under fagprøven, har Anny-Elise både skaffet seg fagbrev og fast jobb i forpleininga på sokkelen. Her fra hennes nyligste tur ut på Heidrun-plattformen.
Privat
Anny-Elise ble skjelt ut av sensor. Nå har hun fått drømmejobben
Brian Cliff Olguin
Et orakel og en slags urmoder. Slik beskrives Berit (67) av kollegene
LANGE STREKK: Etter to års dragkamp, er Bergen fengsel omsider i mål med en avtale om 12-timersvakter i helgene.
Eirik Dahl Viggen
Ansatte i Bergen fengsel får 12-timersvakter i helgene
Håvard Sæbø
Høyesteretts ankeutvalg: Sak om innleie må behandles på nytt
Per Backer
Fikk stoppet søndagsåpen butikk i Vinje
Kathrine Geard
Yngve sier sjelden hva han jobber med: – Da må jeg forklare resten av kvelden
Næringsminister Jan Christian Vestre er svært fornøyd med den nye handelsavtalen som EFTA-landene har forhandlet fram med India.
Erlend Angelo