Pascals konditori:
Tilsette får tariffavtale i kjendis-bakeri etter klagar på dårleg arbeidsmiljø
Dei tilsette hos konditoren Pascal Dupuy fekk tariffavtale førre veke, skriv Dagbladet. Dupuy er kjent frå ei rekke TV-program.
Konditor Pascal Dupuy er kjent frå blant anna TV3s «Pascals konditori», som dommar i kanalens «Hele Norge baker» og som deltakar i «Skal vi danse» på TV2.
Terje Bringedal / VG / Scanpix
tormod@lomedia.no
Til avisa fortel noverande og tidlegare tilsette om eit dårleg arbeidsmiljø, prega av høgt tempo, låg lønn, stort gjennomtrekk og patriarkalsk leiarstil. Tilsette skal også ha blitt pressa til å gå på jobb når dei er sjuke.
Med tariffavtale får dei tilsette no betre lønn, tillegg og pensjon samt meir innverknad på eigen arbeidsplass. Dupuy skal først ha avvist tariffkravet, men ein månad seinare skal han ha gitt etter på grunn av press, ifølge avisa.
«Vi har presset på lenge for å få ryddet opp i en krevende situasjon med et utfordrende arbeidsmiljø og truede rettigheter. Kakene til Pascal vil ha mindre bismak etter dette», seier leiar Merethe Solberg i Fellesforbundets avdeling 10 til Dagbladet.
Dupuy svarer at han trur det er eit mindretal av dei tilsette som opplever det slik dei avisa har snakka med. Han seier også at han ønsker ryddige og ordna arbeidsforhold samt god dialog med dei tilsette. Dagbladet har også snakka med tilsette som ikkje kan gå god for kritikken mot sjefen.
Mista retten til å utdanne lærlingar
Magasinet for fagorganiserte skreiv i 2013 om at Utdanningsetaten fråtok Pascal retten til å utdanne lærlingar. Det skjedde etter fleire klagar frå lærlingar som kjente seg trakassert av Dupuy. Han har framleis ikkje lærlingar, ifølge Dagbladet.
I tillegg meldte mange om overtidsarbeid utan betaling.
«Jeg vil si rundt én time overtid hver dag. Det er selvsagt ikke ønskelig, men de skaper overtid for seg selv ved å prate og tøyse i arbeidstiden. Etter at lærlingene sluttet, er vi fire personer mindre, og nå jobber vi ikke overtid», sa konditoren til Magasinet for fagorganiserte den gongen.
Kasta kake i ansiktet på lærling
Det skapte også mykje merksemd at ein lærling fortalde at Dupuy kasta ei kake i ansiktet hennar.
«En kveld hadde Pascal gått gjennomsøpla og funnet en sukkerbunn. Dagen etter samlet han alle, viste fram bunnen og spurte rasende hvem som hadde kastet den. Jeg hadde dagen før spurt konditorsjefen om 'tillatelse' til å kaste den, og bekjente at det var jeg som hadde gjort det», fortalde Hilde Gardborg Vårlid til Magasinet for fagorganiserte.
«Da kastet Pascal sukkerbunnen rett i trynet på meg, og skjelte meg ut foran alle de andre. Konditorsjefen sto rett ved siden av meg, men han turte ikke si noe.»
«Jeg er en veldig krevende person, som sikkert kan oppfattes som sint noen ganger. Men jeg er ikke egentlig sint. Temperamentet skyldes at jeg er redd for at en person kan gjøre en feil med produktet – så jeg vil egentlig bare hjelpe», svarte Dupuy i Magasinet for fagorganiserte.
• Hele saken fra 2013: Pascal fratatt retten til å utdanne lærlinger
Dette er en sak fra
Vi skriver om ansatte i store bransjer i privat sektor, blant annet industri, bygg, transport og hotell- og restaurant.
