Kværner Stord bruker Nav-middel:
Verftsarbeidarane André og Alf har laga lærerbok for seg sjølve og kolleger
No er 18 av dei tilsette hos Kværner Stord i ferd med å få fagstatus som marineoperatørar.
SKREIV BOKA: Alf Morten Hjelmen (til venstre) og Andre Lien er i ferd med å få fagstatusen marineoperatør.
Håvard Sæbø
hanne@lomedia.no
has@lomedia.no
STORD: Det var omstillingsmiddel frå Nav, såkalla BIO-middel, som gjorde at dette let seg gjera kjappare enn planen, ifølgje Magne Klementsen, som er leiar av overflateproduksjonen med personalansvar for 120 tilsette ved Kværner Stord. Verksemda har i alt 1.650 tilsette, halvparten er operatørar.
Meir i timen
Dei tilsette er òg nøgde, fordi nokre no får høgare løn. 9,50 meir i timen for dei som ikkje hadde noko fagutdanning frå tidlegare, er kjekt å ta med seg.
Verkstadklubben har vore ein pådrivar for å få til dette.
– Det er i dårlege tider ein skal oppgradere dei tilsette, og bu seg på framtida, seier Amram Hadida, klubbleiar for Fellesforbundet sin klubb.
• Etter årevis med permitteringer og lønnskutt, ansetter Rosenberg verft flere
Erfarne karar
Dei to som var med på å laga kursopplegget, André Lier og Alf Morten Hjelmen, har lang røynsle frå verksemda, og dei kjenner ut og inn alt dei skal handtera. Vinsjar, pumper som fyller og tømmer tørrdokka, den svære Stord-hallen som vert flytta på skinner, og lekteren som bustadplattforma til Johan Sverdrup kviler på.
Dei to og Magne Klementsen har brukt fire år på heile kursopplegget som er samansett av eit omfattande kompendium med bilete og informasjon om alle arbeidsoppgåvene knytta til faget marineoperatør. Dessutan har dei laga ein stor brukarmanual for alle verktøy og installasjonar dei skal handsama.
(Saka held fram under biletet.)
STOLTE: Dei er veldig stolte av jobben dei har gjort: Frå venstre Magne Klementsen, Alf Morten Hjelmen, Amram Hadida og Andre Lien.
Håvard Sæbø
Fleire kurs i botn
Tidlegare var det sjøfolk som vart brukt til desse arbeidsoppgåvene, men det er ikkje mange sjøfolk å finna om dagen. BIO-midla ga dei mogelegheit til å satse på vidare skolering av eigne tilsette.
Amram Hadida seier mange av søkjarane ikkje har nett den kompetansen verksemda treng, men no kan dei byggja folk opp. Det er ein del av samfunnsansvaret som leiinga tek, seier han.
Dei som vert tekne ut til kurset har allereie bak seg truckfører, riggerkurs, VHF-kurs og liftsertifikat. Desse ligg i botn for marineoperatørkurset.
• EØS-press svekker vilkår for utenlandske arbeidere som reiser til Norge
Sjølve kurset tek ei veke. Så er det eksamen, før ein praksisperiode der dei gjennom ei sjekkliste skal syne at dei har pensum inne. I alt 18 tilsette tok teoridelen i sepetember, og Klementsen seier at 5-6 av kandidatane skal ha gjennomført heile kursopplegget før jul.
Dei tilsette måtte kjøpast fri nokre veker og oppdragsgjevarar i verksemda var viljuge til å utsetje enkelte arbeidsoppgåver den tida dei trong.
Klementsen seier òg at dei gjerne kan bearbeida opplegget og selga det vidare til andre verksemder, og at det hadde vore kjekt å få ei offentlig godkjenning.
RØYNSLE: Det skal røynsle og kunnskap til for å buksera digre riggar inn i dokka som har minimal klaring og dybde. Det er ei av oppgåvene til ein marineoperatør. Og det står enorme verdiar på spel.
Håvard Sæbø
LÆREBOK: Denne læreboka er utarbeid på Kværner Stord og dei håpar den kan vere nyttig for andre verksemder òg.
Håvard Sæbø
BIO-middel
Nav deler ut pengar til omstilling for verksemder i bransjar som slit i periodar, såkalla motkonjunkturtillegg.
BIO-middel tildelast etter søknad, og er meint å skulle ruste opp dei tilsette i verksemda. Tiltaka skal vera ei løysing i staden for å seia opp eller permittera.
BIO kan berre brukast til omstilling i form av ei vesentlig endring av verksemda sin produksjon eller etablering i nye marked.
Mest til «verftsfylka»
Det er verksemder i dei fire vestlandsfylka Rogaland, Hordaland, Sogn- og Fjordane og Møre og Romsdal som har motteke mest omstillingsmiddel frå Nav.
Frå 2014 til og med august i 2018 har dei fått over 135 millionar kroner, eller 61 prosent av tildelte middel.
Det er verksemder i Hordaland og Rogaland som har fått mest, tilsaman vel 87 millionar kroner i denne perioden.
Ifølgje Nav var BIO-nivået svært lågt før den oljedrivne arbeidsløysa sette inn. Toppåret for tilskot var 2017.
Dette er en sak fra
Vi skriver om ansatte i store bransjer i privat sektor, blant annet industri, bygg, transport og hotell- og restaurant.
Flere saker
BIO-middel
Nav deler ut pengar til omstilling for verksemder i bransjar som slit i periodar, såkalla motkonjunkturtillegg.
BIO-middel tildelast etter søknad, og er meint å skulle ruste opp dei tilsette i verksemda. Tiltaka skal vera ei løysing i staden for å seia opp eller permittera.
BIO kan berre brukast til omstilling i form av ei vesentlig endring av verksemda sin produksjon eller etablering i nye marked.
Mest til «verftsfylka»
Det er verksemder i dei fire vestlandsfylka Rogaland, Hordaland, Sogn- og Fjordane og Møre og Romsdal som har motteke mest omstillingsmiddel frå Nav.
Frå 2014 til og med august i 2018 har dei fått over 135 millionar kroner, eller 61 prosent av tildelte middel.
Det er verksemder i Hordaland og Rogaland som har fått mest, tilsaman vel 87 millionar kroner i denne perioden.
Ifølgje Nav var BIO-nivået svært lågt før den oljedrivne arbeidsløysa sette inn. Toppåret for tilskot var 2017.
