Lone Lunemann Jørgensen er ny forbundssekretær i NTL
Tidlegare leiar av NTL Ung blir forbundssekretær.
FORBUNDSSEKRETÆR: Lone Lunemann Jørgensen er valt til forbundssekretærverv i NTL.
Ole Palmstrøm
anders@lomedia.no
Torsdag valde NTL sitt forbundsstyre Lone Lunemann Jørgensen (32) til ny forbundssekretær.
Lunemann Jørgensen har tidlegare leia NTL Ung i to år, og gjekk av frå det vervet våren 2020. I mellomtida har ho fullført mastergrada si i retorikk.
Ho gler seg til å komme i gong:
– Å få jobbe for NTL er eit privilegium, og eg kjenner meg veldig heldig som får sjansen til å bidra inn i fellesskapet med min erfaring frå NTL Ung. Eg trur det blir utfordrande og spanande, og ikkje minst kjekt å vere tilbake på forbundskontoret, seier Lunemann Jørgensen.
Ho skal jobbe i studie- og organisasjonsavdelinga i NTL, og erstattar Finn Olav Haga som blei valt til ny sekretær i LO Stat før jul.
Dette er en sak fra
Vi skriver om de ansatte i staten og virksomheter med statlig tilknytning.
