Denne jobbannonsen fekk svenske Nav til å bannlyse Stordalens hotellkjede
Svenske Arbetsförmidlingen avpubliserte ein jobbanonse frå Nordic Choice Hotels og stoppa tilgangen til stillingsportalen deira.
Desse formuleringane i jobbannonsen til Petter Stordalen si hotellkjede, likte ikkje Arbetsförmidlingen.
Håvard Sæbø
tormod@lomedia.no
Det skriv Arbeidsmarknadsnytt, svenske NHOs nettavis.
– Vi tilset ikkje handikappa, innvandrarar, personar med rulleblad, homofile eller lesbiske, nordmenn eller fråskilte. Vi tilset individ, stod det i annonsen til Petter Stordalen si hotellkjede.
Tillitsvalgte protesterte mot ulovlig innleie på Stordalen-prosjekt
Arbetsförmidlingen hadde fått inn klagar og meinte teksten kunne oppfattast diskriminerende. Dermed vart den fjerna frå stillingsportalen.
– Har dei ikkje lese den? Dette er jo akkurat det den ikkje er. For oss er det viktig å ta stilling og vise kva vi står for, seier HR-sjef Ann Mårder.
Nordic Choice Hotels vart også utestengd frå å legge ut framtidige utlysingar i stillingsportalen.
Ifølge hotellkjeda har utlysingsteksten blitt brukt i tre år og har til omsyn å få folk til å tenke. Den skal formidle hotellkjedas ønske om at alle skal vere seg sjølv og ikkje bli definert av merkelappar.
– For oss i Choice-kjeda er mangfald og inkludering sjølve fundamentet og årsaka til at vi har lite sjukemeldingar og kanskje den beste arbeidskulturen i Norge, sa Petter Stordalen då han gjesta LOs kartellkonferanse i fjor.
p
Hotellkjeda er kjend for utradisjonell rekruttering av nye tilsette, blant anna gjennom å arrangere auditions for jobbsøkarar. I fjor deltok 900 jobbsøkarar på ei av desse massemønstringane i Oslo.