Emoji:
Desse yrkesgruppene har sin eigen emoji
16 yrkesgruppe ein emoji som viser ein person i rolla som arbeidstakar.
Montasje
tormod@lomedia.no
Det finst nesten 2.000 av dei. Vi har alle våre favorittar, som vi bruker når vi sender meldingar til vennar, familie og kollegaar. Vi tenker sjølvsagt på emojiar, dei små bilde-teikna du finn i tastaturet på mobilen din.
Men kor mange yrkesgruppe har eigentleg fått æra av sin eigen emoji? FriFagbevegelse har tatt ein titt på lista over offisielle emojiar.
Les også: Dette er snittlønna i over 300 yrker
16 emojiar for arbeidsfolk
Medan det finst heile 104 offisielle emojiar for ulike dyr og 114 emojiar for ulike typar mat og drikke, er det berre berre 16 emojiar som synleggjer personar i rolla som arbeidstakar.
Det finst likevel mange emojiar du kan bruke for å skildre kva du jobbar med og kva aktivitetar du utfører på jobben. For eksempel kan ein frisør bruke 💇 for å vise fram kva han eller ho gjer i løpet av ein arbeidsdag.
Her er emojiane med ein person i rolla som arbeidstakar:
Brannkonstablar: 👨🚒👩🚒
Bygningsarbeidar: 👷♂️👷♀️
Bønder: 👨🌾👩🌾
Dommarar: 👨⚖️👩⚖️
Fabrikkarbeidarar: 👨🏭👩🏭
Forskarar: 👨🔬👩🔬
Helsearbeidarar: 👨⚕️👩⚕️
Kokkar: 👨🍳👩🍳
Kontorarbeidarar: 👨💼👩💼
Kunstnarar: 👨🎨👩🎨
Lærarar: 👨🏫👩🏫
Mekanikarar: 👨🔧👩🔧
Pilotar: 👨✈️👩✈️
Politikonstablar: 👮♂️👮♀️
Songarar: 👨🎤👩🎤
Teknologar: 👨💻👩💻
Er du ikkje ferdig utdanna enno? Fortvil ikkje. Her er nokre emojiar du kan bruke i mellomtida: 👨🎓👩🎓
Korleis kan yrket mitt få ein eigen emoji?
Det er den ideelle organisasjonen The Unicode Consortium – med medlemmer som Facebook, Google og Facebook – som står bak lista over dei offisielle emojiane. Dei tek imot forslag til nye emojiar, men set som krav at ein argumenterer for at det vil bli ein populær og nyttig emoji.
Organisasjonen lagar nummer-kodane som ligg til grunn for emojiane (og alle andre teikn forøvrig), slik at dei skal fungere på tvers av plattformar, medan dei som lagar programvaren du bruker lagar designet etter gitte retningslinjer. Det betyr at du må vente på programvareoppdateringar før du kan bruke dei nye offisielle emojiane.
Unicode Consortium oppgir at dei kjem til å legge til omtrent 60 emojiar i året, inntil ein har ein betre løysing. Heile 230 nye emojiar for 2019 vart lansert i starten av februar.
Kor kjem ordet frå?
Ordet «emoji» kjem frå japansk, der «e» står for bilde og «moji» står for teikn. Det skal ikkje forvekslast med «emoticons», som er namnet på ikonar som skal uttrykke menneskelege kjensler.
Flere saker
Kor kjem ordet frå?
Ordet «emoji» kjem frå japansk, der «e» står for bilde og «moji» står for teikn. Det skal ikkje forvekslast med «emoticons», som er namnet på ikonar som skal uttrykke menneskelege kjensler.
