Tormod Ytrehus

tormod@lomedia.no

Ho kjem frå stillinga som redaksjonssjef i Res Publica. Johnsen har tidlegare jobba som redaktør for sakprosa i Cappelen Damm og Spartacus forlag. Ho har studert historie og litteraturvitskap.

Johnsen tar over som forlagssjef i Res Publica og dagleg leiar i Agenda Res Publica Media (ARPM) etter Stian Bromark.

Bromark held fram som sjefredaktør i Agenda Magasin og forleggar i Res Publica. Han har bakgrunn frå Ny Tid, Dagbladet og Dagsavisen, og har vore forlagsredaktør i Cappelen Damms dokumentaravdeling. Han jobba som kulturjournalist, kommentator, bokmeldar, debatt- og kommentarredaktør og har skrive sju sakprosabøker.

– Vi er veldig glade for at desse fantastiske flinke menneska bruker livet sitt på det viktige arbeidet som blir gjort i ARPM, både i magasinet og forlaget. Vi veit at dette er eit lag som kjem til å løfte både Agenda Magasin og Res Publica til nye høgdar i åra som kjem, seier styreleiar Kaia Storvik i ei pressemelding.

• Trygve Svensson blir ny Agenda-leder

I Res Publicas formålsparagraf heiter det at dei skal vere «en sentral norsk kanal for debattlitteratur og sakprosautgivelser med relevans for den offentlige debatten». I tillegg er ikkje hovudmålet kommersiellt, men «å skape kvalitetsbøker som kan sette politisk dagsorden».

Res Publica er organisert som ei foreining og slo seg saman med Agenda for to år sidan, gjennom å opprette Agenda Res Publica AS. Hovudaksjonær i ARPM er Tankesmien Agenda AS, med 60 prosent. LO eig 51 prosent av aksjane i Agenda, medan næringslivsleiar Trond Mohn eig resten.

I ARPMs formålsparagraf heiter det at aksjeselskapet er ikkje-kommersiellt og skal «bidra med samfunnsanalyse og debatt om viktige politiske veivalg». I tillegg er selskapet partipolitisk uavhengig, men vil «bidra til økt forståelse og oppslutning om den norske modellen, med en sterk fagbevegelse og en moderne velferdsstat som sikrer individets frihet og muligheter».

• LO øker støtten til Tankesmien Agenda

• Meld deg på nyhetsbrevet vårt

• Følg oss på Facebook