Kårar årets nynorskkommune
– Meld din kommune på i konkurransen om å bli årets nynorskkommune 2010, oppmodar kommunal- og regionalminister Liv Signe Navarsete.
30.09.2010
20:46
16.12.2013 14:12
Kommunal- og regionalminister Liv Signe Navarsete vil i haust dele ut prisen på 100. 000 kroner til årets nynorskkommune. Ho ynskjer seg ein vinnar som kan vere eit førebilete for andre nynorskkommunar.
– Prisen skal gå til ein kommune som har nynorsk som formell målform og som gjennom aktiv bruk av nynorsk har gjort ein særskild innsats for å fremje nynorsk som skriftmål. Eg vonar mange nynorskkommunar melder seg og er med i konkurransen, seier Navarsete.
Stord kommune vann prisen då den blei delt ut for aller fyrste gong i fjor. (ANB)
