Færre arbeidstimar i landbruket
Det blei utført i alt 121,6 millionar timeverk i landbruket i 2006/07 - 8,8 millionar færre enn to år tidlegare.
Av den samla arbeidsinnsatsen blei 111,6 millionar timeverk utførte i jord- og hagebruk, 3,5 millionar i skogbruk og 6,5 millionar i ymse tilleggssnæringar. Innanfor jord- og hagebruk var nedgangen frå 2004/05 til 2006/07 på 8,1 millionar timeverk - eller 4.400 årsverk på 2 år, skriv SSB.
Mykje av nedgangen kan forklarast med nedgangen i talet på jordbruksbedrifter, som i perioden har gått ned med 3.100 einingar. Arbeidsinnsatsen i skogbruket gjekk og ned, medan samla timeverksinnsats i tilleggsnæringane låg om lag på same nivået som 4 år tidlegare.
Mange dreiv tilleggsnæring
40 prosent av dei aktive jordbruksbedriftene dreiv ei eller anna form for tilleggsnæring attåt tradisjonelt landbruk i 2007. Med tilleggsnæring meiner ein i denne samanhengen ein aktivitet som utnyttar areal, bygningar eller maskinar som høyrer til jordbruksbedrifta.
Dei mest utbreidde tilleggsnæringane var leigekøyring, utleige av jakt- og fiskerettar, utleige av driftsbygningar eller våningshus, vidareforedling av skogvirke og camping, hytteutleige og gardsturisme. Samla bruttoinntekt frå tilleggsnæringane var 2,25 milliardar kronar, melder SSB videre.