Tormod Ytrehus

tormod@lomedia.no

Talet utgjer 14,6 prosent av alle som kan jobbe, og er ein nedgang på 0,7 prosentpoeng sidan 21. april.

Fleire er dermed tilbake i arbeid. Talet heilt ledige har minska med 40.000 personar. Samtidig har talet delvis ledige (som ikkje er heilt utan arbeid) auka med 20.000.

I midten av mars skaut talet arbeidssøkarar i veret, etter at mange vart permittert og arbeidsledige på grunn av korona-krisa.

I slutten av mars begynte talet heilt arbeidsledige å flate ut, mens talet delvis ledige flata ut i starten av april. Frå slutten av april går talet heilt og delvis ledige nedover.

I prosent, er flest ledige innanfor næringa «reiseliv og transport» (61.000 personar). Fleire er delvis ledige innanfor «butikk- og salsarbeid», og i absolutte tal er flest ledige i denne næringa (63.000).

Arbeidsløysa er høgast i prosent blant dei i 20-åra. Deretter følger personar i 30-åra. I reine tal, er i underkant av 102.000 og 104.000 ledige i kvar av desse to aldersgruppene. Arbeidsløysa minskar med alderen, når ein samanliknar dei i 40-åra (84.000), 50-åra (67.000) og eldre enn 60 år (329.000).

Talet nye permitterte toppa seg i veka mellom 17. og 24. mars, då 145.000 melde seg som arbeidssøkarar på grunn av permittering. Seinare har talet nye arbeidssøkarar gått nedover.

Geografisk er flest ledige i Viken (94.000), mens Nordland har færrast ledige (14.000). Med grunnlag i folketalet, er flest ledige i Oslo.