Tormod Ytrehus

tormod@lomedia.no

Nav melder tysdag at løysinga for lønnskompensasjon til permitterte er klar. Dette er ei utbetaling tilsvarande inntil 18 dagar full lønn.

I den nye løysinga skal arbeidsgivar rapportere inn informasjon om permittering og lønna til tilsette. Du skal bli varsla av Nav når arbeidsgivar gjer dette.

Innan tre verkedagar, skal pengane vere på kontoen din, lover Nav. Dersom du har fått forskot på dagpengar, skal dette ikkje trekkast frå lønnskompensasjonen, skriv etaten på nettsidene sine.

• Les også: Dette er Nav-ytelsene du har krav på i de fem forskjellige fasene som permittert

Nav har tidlegare opplyst at du må søke lønnskompensasjon sjølv dersom arbeidsgivaren din ikkje melder inn informasjon om deg. På nettsidene sine skriv dei at dei «kommer tilbake med mer informasjon når denne er klar».

Lønnskompensasjonen skulle eigentleg vore klar i mai, men vart forseinka. Grunnen er at Nav ikkje klarte å beregne kor mykje permitterte skulle ha utbetalt ut frå opplysingane i den såkalla a-meldinga til Skatteetaten.

I staden for at permitterte sjølv søker, har Nav derfor utvikla ei løysing der arbeidsgivarar rapportere inn informasjonen som manglar.

• Les også: Permitterte Torill (51) måtte hente mat hos Frelsesarmeen: – Du står med lua i handa

– Det er viktig at arbeidsgivarane gjer det dei skal no, sånn at vi raskt får betalt ut pengane, seier arbeids- og velferdsdirektør Sigrun Vågeng.

Stortinget vedtok lønnskompensasjonen allereie 20. mars. Samtidig reduserte dei perioden arbeidsgivar skal betale full lønn til permitterte, frå 15 til to dagar. Ordninga omfattar dei som er ramma av denne endringa.