Tormod Ytrehus

tormod@lomedia.no

Grunnen skal vere dårlegare arbeidsmiljø og lønns- og arbeidsvilkår i Sas Ground Handling (SGH) etter at koronakrisa trefte København Lufthamn.

Etter masse sjukemeldingar i fjor haust dokumenterte ein rapport omfattande stressymptom blant dei tilsette. Bakgrunnen er at Sas i 2020 gjekk til masseoppseiing, sa opp lokale avtaler om lønns- og arbeidsvilkår og dikterte nye reglar. Det førte blant anna til at nytilsette gjekk ti prosent ned i lønn.

Streiken starta laurdag, på den første travle reisedagen i den danske vinterferien. Det har ført til forseinkingar og kanselleringar.

Tillitsvalde og fagforbundet 3F har fleire gongar oppfordra medlemmene til å avslutte streiken som er i strid med overeinskomsten.

Den danske Arbeidsretten påla søndag og måndag dei tilsette å ta opp arbeidet og gav dei bøter på 50 og 80 kroner timen. Sas skal også ha trua med at dei såg på streiken som ei oppseiing om stuarane ikkje møtte opp på jobb tysdag.

Dette skal vere den lengste streiken stuarane på Kastrup har gjennomført.