Dette er en sak fra
Magasinet for fagorgansierte
Vi skriver om ansatte i store bransjer i privat sektor, blant annet industri, bygg, transport og hotell og restaurant.
Les mer fra oss
Lønnsoppgjeret i industrien:
Lågtlønte tekstilarbeidarar fekk ekstra i lønnsoppgjeret: – Men det burde vore meir
Dei fekk 1,50 kroner meir i lønnstillegg enn andre industriarbeidarar. Eit historisk løft, seier forbundet. Greitt nok, men det burde vore meir, seier tilsette på Rauma Ullvarefabrikk.
Annonse
JOBB
ÅNDALSNES: Eimen av sau og den taktfaste lyden av spinnemaskiner slår imot oss inne på Rauma Ullvarefabrikk. Her leverer dei 22 tilsette i produksjonen og lageret garn som aldri før til strikke-entusiastar i korona-karantene.
På nøstemaskina står Astrid Frilund som har jobba på fabrikken i tolv år.
– Ikkje den aller beste, svarer ho når Magasinet for fagorganiserte spør kva ho meiner om lønna på 182 kroner timen.
Annonse
Lønnshopp på 2 kroner
I tariffoppgjeret for industrien vart resultatet eit generelt lønnstillegg på 50 øre, men 1,50 kroner ekstra til dei lågtlønte tekstilarbeidarane.
Eit historisk løft, sa Fellesforbundet-leiar Jørn Eggum då han la fram resultatet.
Annonse
– I desse tider er det kanskje nok, men det burde helst vore meir, seier Frilund om tillegget på to kroner i eit tariffoppgjer under ein pandemi.
Her er resultatet lønnsoppgjeret i industrien
Annonse
Langt bak snittet
Årslønna hennar er omtrent 355.000 kroner. Sjølv med 3.900 kroner meir i lønnstillegg, og enda meir gjennom nesten dobla ansiennitetstillegg og auke i garantitillegget (sjå faktaboks), ligg ho langt bak gjennomsnittleg industriarbeidarlønn på oppunder 500.000 kroner.
– Med tanke på situasjonen, hadde vi ikkje forventa noko kjempehopp i lønna, seier nestleiar i klubben, Knut Strømme, som forklarer at klubben over fleire år har prøvd å presse opp lønna lokalt.
Saka held fram under bildet.
Dagleg leiar Arnstein Digernes seier han over fleire tiår har ønskt å heve lønna på fabrikken.
– På grunn av låglønnsstatusen bransjen har hatt, har det vore viktig for oss å ha ein strategi om å auke lønnsnivået. Av fleire grunnar har vi ikkje lukkast heilt, sjølv om vi har gitt ekstra tillegg lokalt, seier han.
Peikar på formuesskatten
Han forklarer dette med at bedrifta har bygd eigenkapital for å investere i nye maskiner og teknologi, som gjer fabrikken like produktiv som fabrikkar i land der lønna er ein brøkdel av den norske.
Annonse
Les også: No skal fleire sleppe å vente på Nav for å få sjukepengar
I tillegg viser Digernes til at kronekursen dei siste åra har gjort innkjøp frå utlandet, av bomull, alpakka- og mohairull, dyrare. Han peikar også på at:
– Formuesskatten tappar bedrifta for pengar. Skatt på luksus er greitt, men desse pengane kunne vi heller brukt på lønn, investeringar og stødige arbeidsplassar.
