Øystein Windstad

oystein.windstad@lomedia.no

Då foreldra til Hadia Tajik kom som arbeidarar frå Pakistan til Norge, stod dei på heilt bar bakke:

– Dei hadde bokstaveleg talt to tomme hender. Då mor vi var heilt fersk i Norge rulla ho saman jakka og brukte den som pute. Sjalet hennar brukte ho som dyne. Dei budde i ei knøttliga leiligheit og hadde ikkje eige bad, fortalte Tajik frå talarstolen på NTL Ung konferansen torsdag.

• Fryktar lausarbeidarsamfunn med ny lov

Blei teken i mot av fagforeninga

Sjølv om det var tøft for familien i starten, er ho i dag nestleiar i det største partiet i Norge, utdanna jurist med master i menneskerettar.

Tajik fortel det skjedde noko avgjerande då faren starta å jobbe som sveisar på Rosenberg Verft:

– Noko av det aller viktigaste som skjedde var at far min blei tatt i mot av fagforeninga Jern og Metall. Dei sa til han: Du er ein av oss. At våre rettar er dine rettar. Det har så mykje å seie i eit nytt og framand land, at du er verna mot utnytting, at du er verna mot sosial dumping. Og ikkje minst at du får eit fellesskap. Noko større å vere ein del av. Det var avgjerande for han og min familie at han blei med i fagforeninga, fortel Tajik og legg til:

– Fellesskapet i fagforening gav innsikt i språk, kultur og korleis ein gjer det i Norge, det er avgjerande om ein lander på beina eller blir utnytta slik som veldig mange framandarbeidarar blir i mange land.

• Sjekk kva yrkesgrupper som tener mest

Vil lytte til forslag frå NTL Ung

Hadia Tajik er i likheit med faren fagorganisert. Ho er medlem i Norsk Tjenestemannslag og deltok på NTL Ung sin konferanse for å snakke om det komande stortingsvalet.

I tillegg blei ho utfordra av dei ungdomsorganiserte.

– Du blei utfordra, kva tek du med deg frå konferansen og kan kva kan du og Ap levere på?

– Vi har teke opp fleire ting, men blant anna det med offentlege anbod, sikre falgege rettar og fleire arbeidsplassar i Norge. Også det at dei utfodrar oss tydeleg på tjenestemannslova, eg regnar med at det kjem ein uttalelse på dette som me kjem til å lese med stor interesse, fortel Tajik.

Regjeringa kjem med nytt lovforslag til våren. LO fryktar blant anna at tillitsvalgte ikkje skal kunne vere med å bestemme tilsettingar, og at dette kan svekke kampen mot korrupsjon og kompis-tilsettingar.

NTL Ung og moderorganisasjonen vil ha faste jobbar og slutt på at staten er verstingen på midlertidige stillinger.

LES OGSÅ:

• Fagforeninger kan ha nøkkel til oljekonflikta i Lofoten
• NTL Ung vil omgjere halve studielånet til stipend