JavaScript is disabled in your web browser or browser is too old to support JavaScript. Today almost all web pages contain JavaScript, a scripting programming language that runs on visitor's web browser. It makes web pages functional for specific purposes and if disabled for some reason, the content or the functionality of the web page can be limited or unavailable.

Asbest er helsefaren som ikkje forsvinn:

Handverkar i gammelt bygg? Dette må du gjere om du mistenker asbest

Materialet vart forbode for 35 år sidan, men utgjer framleis ein helsefare for handverkarar som arbeider i gamle bygg.
INGEN FEST MED ASBEST: Mange blir sjokkerte når høyrer regionalt verneombod Curt Herbert Haglund fortelle om helsefarane handverkarar kan møte i gamle hus.

INGEN FEST MED ASBEST: Mange blir sjokkerte når høyrer regionalt verneombod Curt Herbert Haglund fortelle om helsefarane handverkarar kan møte i gamle hus.

Håvard Sæbø

11.05.2020
09:17
11.05.2020 20:30

tormod@lomedia.no

TRONDHEIM: Uvanleg mange varebilar står parkert utanfor forsamlingshuset i bydelen Heimdal denne kvelden i starten av mars. Førti medlemmer i Rørleggernes fagforeining, har møtt opp på informasjons-møte om asbest.

– Er det nokon som har bytta ut ein sånn? spør regionalt verneombod Curt Herbert Haglund.

Han er henta inn for å fortelle om asbest-faren handverkarar kan bli utsette for på jobben. Ein av røyrleggarane rekk opp handa, når Haglund viser fram eit bilde av ein gammal fyrkjel.

– Har du papir på at du kan gjere det? Nei? Unnskyld språket, men det må du for helvete aldri gjere igjen.

Saka held fram under bildet.

ASBEST OG LASAGNE: Informasjonen er om asbest, mens serveringa er lasagne, når Rørleggernes forening arrangerer møte.

ASBEST OG LASAGNE: Informasjonen er om asbest, mens serveringa er lasagne, når Rørleggernes forening arrangerer møte.

Håvard Sæbø

Sjukdom og kreft

Asbest var mirakel-materialet som fungerte i alle slags produkt. Det isolerer, stoppar brann, dempar lyd og tettar. For røyrleggarar er den spesielt vanleg å møte på i røyrisolasjon.

– Jo meir fasjonable hus, jo meir asbest.

Seinare oppdaga ein baksida: Å puste inn større mengder asbest-støv kan føre til alvorleg helseskade. Om du pustar inn små mengder kvar dag over fleire år, aukar sjansen for lunge-sjukdommar og -kreft.

Forbod

Allereie i starten av førre hundreår, fann delar av verda ut at asbesten var helsefarleg. På 70-talet nådde informasjonen arbeidsfolk og fagforeiningar i Norge.

Asbest vart totalforbode på midten av 80-talet. I dag er også arbeid med asbest forbode, med mindre bedrifta har løyve frå Arbeidstilsynet og tilsette med kurs.

Likevel kan dei fleste handverkarar møte på asbesten i gamle bygg. Produkta er ikkje farlege før dei blir slitte eller skada. Då løysnar asbest-fibra og kan ende opp i lungene dine.

Saka held fram under bildet.

GJENGANGARAR: Her er det ofte asbest, ifølge Byggforsk.

GJENGANGARAR: Her er det ofte asbest, ifølge Byggforsk.

Kenneth Lauveng

Arbeidsgivar-ansvar

Dei alvorlege helsefarane knytt til å puste inn asbest, har for mange gått i gløymeboka. Sånn er konklusjonen i ein ny rapport frå Arbeidstilsynet.

Bygnings-eigarar og byggherrar er for dårleg til å undersøke om det er asbest i bygg. Samtidig manglar unge og utanlandske arbeidarar ofte kunnskap.

I år gjennomfører tilsynet derfor ei asbest-satsing. Dei truar med stans i arbeidet, bøter som svir og politimelding dersom bedriftene ikkje følgjer reglane.

Før arbeidet startar har både arbeidsgivar og byggherre ansvar for å undersøke om bygget har asbest, slår lovverket fast.

Saka held fram under bildet.

INFORMERE: Forbodet mot asbest kom ikkje før arbeidsfolk og fagforeiningar fekk kunnskap om helsefaren. No må vi informere nye arbeidstakarar, meiner fagforeiningsleiar Petter Krigsvold.

INFORMERE: Forbodet mot asbest kom ikkje før arbeidsfolk og fagforeiningar fekk kunnskap om helsefaren. No må vi informere nye arbeidstakarar, meiner fagforeiningsleiar Petter Krigsvold.

Håvard Sæbø

Må informere

Tak, golv, veggar. Innvendig og utvendig. Den kan vere overalt.

– Om huset er bygd på 80-talet eller tidlegare, må de gå ut frå at det er asbest der, seier verneombod Haglund til røyrleggarane i Trondheim.

Etter førre informasjons-møte Rørleggernes forening gjennomførte, ringde femten bekymra medlemmer med spørsmål: Er dette asbest? Kva skal eg gjere?

– Då eg starta i yrket, trudde vi asbest var noko frå gamle dagar. Vi må informere om risikoen, seier leiar Petter Krigsvold.

Dersom du mistenker asbest, skal du …

1 stanse arbeidet og varsle andre på staden

2 få arbeidsgivar og arbeidsleiar til å sperre av området (kontakt gjerne verneombod og HMS-ansvarleg i tillegg)

3 legge igjen forureina arbeidsutstyr

Kjelde: Arbeidstilsynet

mens arbeidsgivar skal …

1 sperre av området

2 kontakte byggherre sånn at alle blir varsla, og området sperra av

3 sørge for at spesialistar avklarer om det er asbest, og eventuelt sender prøver til analyse

4 kartlegge kven som er utsette for asbest

5 saman med helsepersonell informere om risiko for helseskade

6 sørge for at tilsette gjennomfører ei røntgenundersøking av lungene, blir registrert i eit asbestregister og går til helseundersøking minst kvart tredje år

7 sørge for at ei bedrift med løyve, kartlegg om asbesten har spreidd seg i bygget, og tar prøver om nødvendig

8 få ei bedrift med løyve til å fjerne asbesten

9 gjere alle forureina flater reine dersom bygget ikkje skal rivast

10 kontrollmåle, og eventuelt gjere reint på nytt

Kjelde: Arbeidstilsynet, forskrifta om utføring av arbeid

Her er det ofte asbest:

• bygningsplater

• vegger (som isolering i skilleveggar)

• bygningspapp

• strukturerte overflatebelegg og måling

• golvfliser (vinylfliser), lim og avrettingsmasse

• linoleumsgolv

• varmeisolering til fyrkjelar

• isolasjonsmateriale for stålskjelettet i bygningar

• ventilasjonskanalar

• himlingar (som flammebeskyttar i loftsholrom)

• himlingsplater

• dører (branndører med meir)

• elektriske installasjonar

• varmesystem (som varmeisolering til røyrsystem, varmtvatnstankar og kjelar)

• tak (spesielt produkt av asbestsement)

• takplater

• bygningsfasadar, takrenner, takutheng og kledningar

• ventilar, flensar og pakningar som kan vere fôra eller forsegla med asbest

• altankasser, asbestpapir til fôring og så vidare

• vinduskitt

• vatn- og kloakkleidningar

Kjelde: Arbeidstilsynet

Var dette interessant? Vil du dele den med noen andre?
11.05.2020
09:17
11.05.2020 20:30