Tormod Ytrehus

tormod@lomedia.no

– Det er ein direkte samanheng mellom at bedrifter får meir makt og nedbygginga av rettane, lønna og jobbtryggleiken til arbeidarar. Som fagforeiningar må vi bli meir effektive for at arbeidande menn og kvinner skal vere i stand til å møte dei omfattande utfordringane i den moderne verda, sa ITF-president Paddy Crumlin på møtet ifølge ei pressemelding.

Hendinga var ikkje ei ukontroversiell sak, fortel Lars Morten Johnsen, Norges representant i ITF-styret. Han fortel at manglande openheit rundt deltakinga var diskusjonstema på førre styremøte.

p

– ITF ønsker å ha denne dialogen med alle grupperingar fordi vi ser at desse problema brer om seg. Vi valde å ta møtet, men det burde kanskje vore diskutert på førehand. Gjennomføringa vart likevel akseptert og fråsegna var det ingen kritikk mot, seier Johnsen til FriFagbevegelse.

– Spørsmålet var kvifor ITF møter Vatikanet og ikkje andre religiøse grupper, noko blant anna representantar frå muslimske land reagerte på, seier Johnsen.

Møtet fann stad i Vatikanet 4. og 5. mars, arrangert av Det pavelege akademiet for sosialvitskap i samarbeid med ITF. Også representantar frå industrien og teknologibransjen deltok ifølge fråsegna på møtet.

Sosial, økonomisk og klimatisk rettferd vart diskutert på møtet. I fråsegna trekker partane fram både FNs berekraftsmål, klimaendringar, ny teknologi og sosial dumping.

– Alle deltakarane forpliktar seg til ein pågåande dialog for å finne felles grunn, med hensikt å fremme sosial rettferd, faglege rettar, anstendig arbeid og likskap, når det gjeld moderne transport og samfunnet som heilskap, heiter det i fråsegna.

Vidare heiter det at deltakarane forbliktar seg til FNs mål for ei berekraftig utvikling. Spesielt peikar dei på å få slutt på fattigdom, moderne slaveri og menneskeskapte klimaendringar. Dette er også krav i den engasjerte Pave Frans sitt politiske program.

– Vi reknar dette som starten på eit samarbeid og vårt gjensidige ansvar vil ta oss vidare, heiter det.