Industri Energi åtvarar mot færre faste tilsettingar:
Innleigde fekk ikkje bonus. No vil dei ta saka til Høgsterett
To tilsette i eit bemanningsbyrå kravde etterbetaling av bonusen dei fast tilsette i innleigebedrifta fekk. Dei gjekk på eit tap i lagmannsretten, men ankar no dommen til Høgsterett.
Aker BP
tormod@lomedia.no
Dei to tilsette i bemanningsbyrået Semco Maritime, som leiger ut tilsette i ei rekke yrkesgrupper offshore, vann fram med kravet i tingretten i fjor.
Bemanningsbyrået anka saken og i ein dom frå Gulating lagmannsrett i slutten av juni blir altså bemanningsbyrået frifunne.
p
– Klientane mine, og Industri Energi som hjelper til i saka, er svært skuffa over dommen og meiner det er feil rettsbruk, skriv advokat Karianne Rettedal i advokatfirmaet Projure i ein e-post til FriFagbevegelse.
Ho opplyser at saka blir anka til Høgsterett. Ei sak om bonus omfatta av likebehandlingsprinsippet er ikkje prøvd før og det er derfor sannsynleg at den slepp gjennom. Resultatet kan få konsekvensar for mange.
Prinsipp om likebehandling
Striden står om bonus til tilsette er omfatta av det såkalla likebehandlingsprinsippet i arbeidsmiljølova som trådde i kraft for seks år sidan, innført med EU sitt vikarbyrådirektiv. Det går ut på at innleigde skal ha minst like gode lønns- og arbeidsvilkår som fast tilsette.
Problemet er at norsk lov ikkje har ein eintydig definisjon av lønnsomgrepet. Dei to tilsette og LO-forbundet Industri Energi meiner denne typen bonus er omfatta av likebehandlingsprinsippet, medan bemanningsbyrået og arbeidsgivarorganisasjonen NHO er ueinige.
– Vi meiner likebehandlingsprinsippet skal gjelde også bonus. Dei innleigde har bidratt til at bedrifta har forbetra seg og kan utbetale bonus, seier Asle Reime i Industri Energi til FriFagbevegelse.
– Forbundet er i prinsippet mot bonus og meiner at det er normal lønn som skal gjelde. Men når det først er utbetalt bonus, skal den gjelde for alle. Vi meiner dette er ei viktig prinsipiell sak, seier Reime.
Fryktar meir innleige
Lagmannsretten konkluderer derimot annleis: Aker BP sin såkalla selskapsbonus er knytt til konsernet og avdelingar sin prestasjon, ikkje til individuell arbeidsinnsats. Bonusen er dermed ikkje omfatta av lønnsomgrepet eller likebehandlingsprinsippet, meiner retten.
– Stemmer ikkje dette?
– Dette med å differensiere ut frå selskapsbonus eller ikkje, er berre tull. Derfor vil vi anke, seier Reime i Industri Energi og åtvarar:
p
– Med dommen frå lagmannsretten får likebehandlingsprinsippet ein større negativ effekt. Bemanningsbyråa får moglegheit til å differensiere seg frå andre, noko som gir ein konkurransefordel. Då lønnar det seg å leie inn framfor å tilsette fast, seier han.
FriFagbevegelse har kontakta både bemanningsbyrået Semco Maritime og NHO. Semco Maritime vil ikkje kommentere saka. NHO vil berre gi følgande kommentar i ein e-post:
– Vi konstaterer at Industri Energi opplyser at dommen frå Gulating lagmannsrett vil bli anka til Høgsterett. Vi meiner dommen er korrekt og i tråd med det NHO har hevda sidan likebehandlingsreglane kom i 2013.
Dette er saka:
Striden står om bonus er omfatta av arbeidsmiljølova sine reglar om likebehandling mellom innleigde og fast tilsette.
Reglane slår fast at innleigde frå bemanningsbyrå skal ha minst like gode lønns- og arbeidsvilkår som fast tilsette. Dei trådde i kraft i 2013 og er eit resultat av EU sitt vikarbyrådirektiv frå 2008.
Begge partar er einig om at saka er av prinsippiell karakter og resultatet vil dermed får konsekvensar for mange.
Dei to tilsette jobbar som dekksoperatørar på offshoreinnstallasjonar i Nordsjøen. Dei har vore utleigd til tidlegare BP og Aker BP i mange år, og den eine fekk fast jobb i selskapet i fjor.
Aker BP har lenge hatt eit bonusprogram for alle tilsette. Utbetalingane har variert fra 45.000 kroner til 75.000 kroner for tilsette i tilsvarande stillingar. Bonusordninga omfattar derimot ikkje innleigde.
Dei to kravde derfor etterbetaling frå bemanningsbyrået i slutten av 2017, for ein periode på fem år.
Byrået nekta, fordi dei meinte selskapsbonusar, som ikkje er eit resultat av individuelle arbeidsprestasjonar, ikkje er lønn og dermed ikkje er omfatta av likebehandlingsprinsippet i arbeidsmiljølova.
Dei tilsette gjekk derfor til sak med hjelp frå LO-forbundet Industri Energi. I Stavanger tingrett for eit drygt år sidan, fekk dei medhald.
Bemanningsbyrået vart dømt til å etterbetale bonusane på til saman over 460.000 kroner, i tillegg til å betale sakskostnadar. Men lagmannsretten dømte altså motsett, med unntak av at partane må betale eigne sakskostnadar.
Flere saker
Dette er saka:
Striden står om bonus er omfatta av arbeidsmiljølova sine reglar om likebehandling mellom innleigde og fast tilsette.
Reglane slår fast at innleigde frå bemanningsbyrå skal ha minst like gode lønns- og arbeidsvilkår som fast tilsette. Dei trådde i kraft i 2013 og er eit resultat av EU sitt vikarbyrådirektiv frå 2008.
Begge partar er einig om at saka er av prinsippiell karakter og resultatet vil dermed får konsekvensar for mange.
Dei to tilsette jobbar som dekksoperatørar på offshoreinnstallasjonar i Nordsjøen. Dei har vore utleigd til tidlegare BP og Aker BP i mange år, og den eine fekk fast jobb i selskapet i fjor.
Aker BP har lenge hatt eit bonusprogram for alle tilsette. Utbetalingane har variert fra 45.000 kroner til 75.000 kroner for tilsette i tilsvarande stillingar. Bonusordninga omfattar derimot ikkje innleigde.
Dei to kravde derfor etterbetaling frå bemanningsbyrået i slutten av 2017, for ein periode på fem år.
Byrået nekta, fordi dei meinte selskapsbonusar, som ikkje er eit resultat av individuelle arbeidsprestasjonar, ikkje er lønn og dermed ikkje er omfatta av likebehandlingsprinsippet i arbeidsmiljølova.
Dei tilsette gjekk derfor til sak med hjelp frå LO-forbundet Industri Energi. I Stavanger tingrett for eit drygt år sidan, fekk dei medhald.
Bemanningsbyrået vart dømt til å etterbetale bonusane på til saman over 460.000 kroner, i tillegg til å betale sakskostnadar. Men lagmannsretten dømte altså motsett, med unntak av at partane må betale eigne sakskostnadar.
