Tormod Ytrehus

tormod@lomedia.no

Jane Jensen har jobba på bensinstasjon i snart ti år. Nok ein gong må ho konstatere at yrkesgruppa hennar er blant dei dårlegast betalte i Norge ifølge Statistisk sentralbyrås lønnsstatistikk.

Korleis er det å ha eit yrke som er blant dei minst verdsette i kroner og øre?

– Det som held oss i jobben er arbeidsmiljø og kollegaar som vi trivest godt med, men vi skulle gjerne hatt meir lønn, seier Jensen, som jobbar på Circle K Storebaug ved Moss, til FriFagbevegelse.

Dette er snittlønna i over 300 yrker

Jensen er tillitsvald og har nyleg gådd ut og etterlyst at leiinga i fagforbundet sitt løftar dei bensinstasjontilsette i komande lønnsoppgjer.

– Eg er eineforsørgar med to barn og det er ikkje så mykje luksus ein har råd til i kvardagen, seier ho.

Dette var månadslønna i dei 25 dårlegast betalte yrka i fjor:

1 Hjelpearbeidarar i husdyrproduksjon
26.020 kroner

2 Intervjuarar
26.510 kroner

3 Hjelpearbeidarar i nyttevekstproduksjon
26.590 kroner

4 Hjelpearbeidarar i kombinasjonsbruk
27.080 kroner

5 Gatekjøkken- og kafémedarbeidarar mv.
27.940 kroner

6 Plante- og husdyrprodusentar (kombinasjonsbruk)
28.090 kroner

7 Bartendarar
28.420 kroner

8 Servitørar
28.610 kroner

9 Kjøkkenassistentar
28.980 kroner

10 Sørvismedarbeidarar (bensinstasjon)
29.310 kroner

11 Melke- og husdyrprodusentar
29.460 kroner

12 Hotellresepsjonistar
29.550 kroner

p

13 Dyrepassarar og -trenarar mv.
30.220 kroner

14 Varepåfyllarar
30.240 kroner

15 Frisørar
30.290 kroner

16 Hjelpearbeidarar i gartneri mv.
30.330 kroner

17 Bingovertar, bookmakarar mv.
30.570 kroner

18 Reinhaldarar i private heimar
30.570 kroner

19 Andre handverkarar
30.590 kroner

20 Gartnarar
31.350 kroner

21 Renseri- og vaskerimaskinoperatørar
31.380 kroner

22 Bilvaskarar
31.500 kroner

23 Dyrepleiarar
31.570 kroner

24 Reiseleiarar og guidar
31.580 kroner

25 Butikkmedarbeidarar
31.590 kroner

Månadslønna i denne oversikta omfattar avtalt lønn, uregelmessige tillegg og bonus, men ikkje overtidstillegg. Det kan vere store lønnsforskjellar i dei ulike yrka.

FriFagbevegelse skreiv i februar om at dei ti prosentane med lågast lønn, ikkje har hatt lønnsvekst på dei siste ti åra. Kvifor er det slik at dei same yrka ligg på botnen av lista år etter år?

Grunnen er at det ikke er mange nok som har fagorganisert seg, skal vi tru leiar Knut Bodding i LOs forhandlingsavdeling.

– Vi løftar dei lågtlønna sånn at dei ikkje skal henge etter, men vi veit at det ikkje alltid hjelper. Mange er ikkje organisert, jobbar berre tidvis i yrka og har dermed dårleg forhandlingskraft, seier Bodding til FriFagbevegelse.

Han meiner likevel det hadde stått enda dårlegare til dersom LO ikkje hadde forhandla fram eit ekstra lønnstillegg til dei lågtlønna. Årets låglønnstillegg er 2 kroner per time eller 3.900 kroner i året for dei som er omfatta av dei aktuelle tariffavtalene.

p

I tillegg finst det lovfesta minstelønn i ei rekke bransjar der det er spesielt mykje arbeidsinnvandring, blant anna for hotellresepsjonistar og gartnarar som er på lista over dei 25 dårlegast betalte yrka. Minstelønnssatsane i tariffavtalene er såkalla allmenngjort og gjeld alle uansett om dei har tariffavtale eller ei.

Likevel er det mange arbeidsgivarar som bryt reglane i bransjar der det er få fagorganiserte og tillitsvalde til å passe på. LOs sommarpatrulje fann i år brot på minstelønnssatsane i over 2 prosent av bedriftene dei besøkte og heile 16 prosent i serveringsbransjen.

Her kan du søke i lønna for over 300 yrke: