TORMOD YTREHUS

tormod@lomedia.no

I ein nyleg publisert artikkel lanserer advokatane tiltak for å kjempe mot ulovleg sosial dumping.

Eit av forslaga er boikott av bedrifter, i samarbeid mellom arbeidstakar- og arbeidstakarorganisasjonane. NHO er positive:

• Frp utelukker et forbud mot innleie av arbeidskraft

«Vi støtter tiltak som innebærer at man unnlater å handle med virksomheter som driver ulovlig, uansett hvilket grunnlag man benytter for dette,» seier fagsjef for bemanning i NHO Service og Handel, Even Hagelien, til Dagens Perspektiv, som først omtalte saka.

Ein av advokatane, Nicolay Skarning, prosederte mot nettopp boikott i rettssaka mellom danske Holship og Norsk transportarbeidarforbund, skriv avisa. No er det andre toner frå Holship-advokaten:

Saman med Fredrik Bjercke Punsvik og Pernille Brusdal ved Kvale advokatfirma, foreslår han no boikott som metode i kampen mot ulovleg sosial dumping.

Dette bør skje i samarbeid mellom private verksemder og foreiningar på arbeidsgivar- og arbeidstakarsida.

«For at en boikott skal få tilsiktet effekt og virke som et pressmiddel, er det antakelig nødvendig for en privat virksomhet å alliere seg med andre – for eksempel foreninger på både arbeidsgiver- og arbeidstakersiden,» skriv advokatane.

Boikott er i boikottlova, definert som «en oppfordring, avtale eller liknende tiltak som for å tvinge, skade eller straffe noen tar sikte på å hindre eller vanskeliggjøre en persons eller virksomhets økonomiske samkvem med andre.»

Advokatane understrekar at boikott ikkje må ha eit rettsstridig formål og boikotten skal varslast til dei som skal boikottast. Advokatane viser også til at allmenngjeringslovas paragraf 14 slår fast at arbeidstakar- eller arbeidsgivarorganisasjonar kan sette i verk boikott for å sikre at arbeidsgivar følger pliktane sine.

• Arbeidstilsynet er maktesløs mot ulovlig innleie. Overlater til innleide polakker å rydde opp