Øystein Windstad

oystein.windstad@lomedia.no

Spekter-sjef Anne-Kari Bratten er kritisk til AFP-ordninga i privat sektor, og vil ha ein diskusjon om den bør skrotast.

Ho legg til at eventuelle endringar i privat AFP, også må gjelde AFP i offentleg sektor.

Dag Westhrin er sekretær i LO Stat og viser til at Spekter organiserar offentlege foretak og aksjeselskap.

– Det er litt utidig av ein arbeidsgjevar-part i eit anna område å blande seg inn i dette, seier han.

– Bratten meiner at det eine heng saman med det andre?

– Det er ein samanheng mellom AFP i offentleg sektor og i privat, men det er ikkje noko direkte kobling. Vårt utgangspunkt i kommune og stat er at dette er noko vi skal forhandle om i partane i offentleg sektor, fortel Westhrin i LO Stat.

• Slik vil LO betre AFP

Vil ha framgang og nye ordninger

LO Stat ønskar at det skal kome i gang forhandlingar og ordningar raskt:

– Seinast i vår har alle hovedorganisasjonane skrive brev om at vi er villige til å diskutere og finne løysingar. Den siste tilbakemeldinga vi har fått frå statsråden er at dette skal takast opp igjen til hausten. Det blir neppe på denne sida av stortingsvalget, og då begynner det å haste, fortel Westhrin og viser til at mykje må avklarast innan 2021. Då vil dei som er fødd etter 1954 bli 67 år og det er ikkje løyst korleis ein skal samordne tjenestepensjonen og folketrygd, blant anna.

• Industriarbeidarar mista AFP etter 40 år og må på sosialen

Krev uravstemming og å kunne streike

Westhrin som har vore tillitsvalgt i NTL i over 30 år meiner at ansvaret for det går sakte med forhandlingane, ligg på forhandlingsmotparten i staten:

– Vi har heile tida vore villige til å sjå på pensjon i offentleg sektor. Vi har hatt nokre grunnleggande krav. Det viktigaste for oss er at vi får reel forhandlingsrett der vi har konfliktrett om ein ikkje skulle bli einige og mulighet for uravstemming. Det er der vi har stranda no. Regjeringa seier at vi skal involverast, men det er ikkje klart kva som ligg i det, seier han og legg til:

– Arbeids- og sosialdepartementet lagde ein rapport som kom i 2015. Alle hovedsamanslutningane i offentleg sektor er einige om at denne rapporten er eit godt grunnlag å gå vidare på med dei utfordringane ein har med offentleg tenestepensjon og AFP, fortel Westhrin.

Spekter vil ha ny ordning

Sjef i Spekter, Anne-Kari Bratten meiner det er heilt innafor at ho og arbeidsgjevar-organisasjonen har meininger om AFP i offentleg sektor:

– Det skulle berre mangle at Spekter engasjerer seg i AFP-debatten. Westhrin må ha oversett at vi faktisk har 150 000 tilsette i Spekter-området som har offentlig AFP, noko som er like mange som er tilsett i det statlige tariffområdet.

– Kva ønskar du og spekter å erstatte AFP-ordninga med?

– Eg har for øvrig ikkje vore kategorisk på at AFP-ordninga skal vekk, men teke til orde for at vi bør diskutere om ordninga slik den er no kan erstattas med noko som treff bedre. Korleis denne konkret bør sjå ut, har vi god tradisjon for å kunne drøfte oss fram til i trepartssamarbeidet, og eg håpar på konstruktive diskusjonar der. Det viktigaste er at tidligpensjonsordningar har ein god sosial profil, meiner Bratten.

Les mer

• Slik unngår du AFP-smell
• LO og NHO einige om evaluering av AFP