«Skjønner Framstegspartiet ingenting? Jau, det gjer dei»
Når justisminister Kallmyr tar i bruk ordet «sosialisme» i sin tale på frigjøringsdagen, er det kalkulert språkbruk, skriver Kjell Håve.
KALKULERT: Justisminister Jøran Kallmyr (Frp) vakte reaksjoner da han talte om «frihet mot sosialisme» på frigjøringsdagen. Kjell Håve mener Norsk Jernbaneforbund burde ta initiativ til en markering «mot den måten Frp har mishandla frigjeringsdagen på».
FrPMedia via Creative Commons
Langt oppe i Skjelstadmark i den tidlegare trønderske kommunen Hegra står det ein bauta over ein av bygdas sønner, Ludvik Buland. Det var ein mann som kjempa for småkårsfolket, for arbeidarane og for landet. Han var ledar for Norsk Jernbaneforbund og under okkupasjonen nestledar i Landsorganisasjonen. Han vart plaga i hjel i tysk fangenskap og døde berre noen månader før freden kom. Han var sosialist.
Ludvik Buland kjempa for sosialismen. Han var ein av dei tallause sosialistene (kjent òg som sosialdemokratar, kommunistar, syndikalistar, anarkistar, kristensosialistar eller rett og slett sosialistar) som fall for at landet skulle bli fri for styret til den «ideologien» som Anders Lange, Framstegspartiets grunnleggar, hadde vore med på å hjelpe fram i åra før krigen. (Under okkupasjonen markerte Lange seg mot tyskarane, rett nok.)
ph
I fleire tiår har det norske ytre høgre piska opp eit hat mot venstresida og Arbeidarpartiet, mot kvinner og unge som vil delta i samfunnsdebatten. For noen år sia steig fascismen i land på ei norsk øy og opptrådte heilt som før – sekstini unge sosialistar vart massakrerte av ein feig, klovnete usling som i åra før hadde funne tilhald på ulike merkverdige stasjonar på den norske høgresida.
Skjønner Framstegspartiet ingenting? Jau, det gjer dei. Justisdepartementet som springbrett for cirkusforestillingar er kalkulert. Justisminister Jøran Kallmyr plasserte ein enkelt liten hard brikke inn i den organismen som ei ellers grei tale utgjer.
Gjennom alle Hagen-år og Siv-år har folk fra dette partiet brukt ordet sosialisme/sosialistane – om alle parti frå Senterpartiet og utover til venstre – for å karakterisere dei som Framstegspartiet oppfattar som eit norsk samfunnsproblem. Dei har brukt ordet flittig, men har sjelden brukt ordet kommunisme. Kommunisme er noe som alle – inkludert Framstegspartiet – har brukt om Sovjetblokka fram til 1991. På sjølve frigjeringsdagen gjorde Kallmyr det kalkulerte valget å vri språkbruken – slik at Stalin skulle kunne assossieras med det som Framstegspartiet ikkje liker i norsk politikk.
ph
Hensikten var å oppnå det beste dette partiet veit: å debattere debatten. Til liks med Listhaug og Siv Jensen veit Kallmyr at motstandarane blir veldig opprørte og går til kraftig motangrep. Så skal ytre høgre stå med palmar i hendene og kunne seie: «Eg var heil sakleg, eg, men sjå kor ute av kontroll dei på venstresida er. Dei er eit politi som jaktar på enkeltformuleringar.»
Norsk Jernbaneforbund – Ludvik Bulands forbund – burde ta initiativet til ei markering mot den måten Framstegspartiet har mishandla frigjeringsdagen på.
