TORMOD YTREHUS

tormod@lomedia.no

På møtet i Stortinget tirsdag fremma Sosialistisk venstreparti ti forslag, som dei meiner vil gjere jobben til dei som jobbar mot arbeidslivskriminalitet enklare.

«Det er bred politisk enighet om å stoppe arbeidslivskriminaliteten. Samtidig opplever folk som jobber i ulike etater utfordringer med at de virkemidlene de har tilgjengelig ikke er tilstrekkelige,» heiter det i forslaget.

– Vi har fått tilbakemeldingar om fleire hinder som gjer jobben meir tungvinn og lite effektivt. Derfor foreslår vi ti konkrete punkt om kva endringar og løyve som må til for å gjere jobben til dei som arbeidar i Skatteetaten, Arbeidstilsynet og Akrimsentera meir effektiv, seier Solfrid Lerbrekk, medlem i Stortingets arbeids- og sosialkomite for SV.

• Arbeidslivskriminalitet: Ap vil avdekke bakmenn og nettverk

Inspirert av Sverige

– Gjennom desse punkta ønsker vi blant anna å tilnærme det norske lovverket meir til det svenske, blant anna for å lette bestemmingane om teieplikt innad i Akrimsentera, seier Lerbrekk.

Ho peikar blant anna på at dei tilsette har varsla om at det er vanskeleg å samarbeide og utveksle informasjon seg imellom, fordi dei er bundne av teieplikt.

I den svenske lova om etatane si plikt til samarbeid mot organisert kriminalitet, heiter det at etatane skal overlevere opplysingar seg imellom – trass teieplikt, om det etter skjønnsmessig vurdering er behov for det.

• Han kan få en historisk streng straff for arbeidslivskriminalitet

Ikkje berre «grønt kort»

Lerbrekk peikar også på at Arbeidstilsynet må kunne be om anna type identifikasjon enn HMS-kort.

– Om dei tilsette har noko å skjule kan dei i dag seie at dei begynte i førre veke og ikkje har fått grønt kort (HMS-kort, red.mrk.) enno, seier ho.

«I dag er det tilfeller der Arbeidstilsynet møter folk som "kom i går", og ikke har HMS-kort, og Arbeidstilsynet kun kan be dem oppgi navn og fødselsdato. Det gjør at Arbeidstilsynet ikke har mulighet til å kontrollere det hvis ikke det er andre etater tilstede, med denne hjemmelen (som NAV eller Politiet),» heiter det i forslaget.

• Derfor mener LO-toppen at NHOs tiltaksplan mot arbeidskriminalitet er mangelfull

Sanksjonsmoglegheiter

I tillegg meiner Lerbrekk at Arbeidstilsynet manglar sanksjonsmoglegheiter, når ei verksemd ikkje gir opplysingar som tilsynet har bedt om. I dag er einaste sanksjonsmoglegheita å melde verksemda til politiet. Ho meiner derfor tilsynet må få andre verkemiddel, slik som pålegg eller lignande.

Ho peikar også på at etatene manglar verkemiddel, når dei berre kan starte etterforsking, ettersyn og kontrollar, men ikkje stanse drift. «På denne måten tappes den norske stat fortløpende for velferdsmidler,» heiter det i forslaget.

• Etterlyser tverrfaglig samarbeid mot arbeidslivskriminalitet

Lovendringar

Dei vil også endre politilova, slik at det blir presisert at politiet kan stanse eller avverge lovbrot også på andre offentlege verksemder sitt myndigheitsområde. Formålet er at politiet skal kunne gripe inn når dei er med etatane ut på kontrollar på arbeidsplassar.

Partiet ønsker også å endre utlendingslova, slik at det blir straffbart å utnytte utlendingar direkte. «En slik bestemmelse vil være nyttig i arbeidet for å stoppe arbeidslivskriminalitet i bransjer hvor det forekommer slavelignende forhold. Lovendringen vil bidra til en enklere etterforskning av slike saker, og sannsynligvis flere tilståelsesdommer.»

Lerbrekk drar også fram partiets forslag om at Akrimsentera bør ha myndigheit til å undersøke om pensjonssparing foregår riktig innad i verksemdene.

• Sjekkar du om arbeidsgivaren din betaler inn til pensjonen din? Om ikkje, kan du tape store beløp

– Korleis skil forslaga dykkar seg frå Arbeidarpartiets forslag mot arbeidslivskriminalitet?

– Arbeiderpartiet sine forslag er nokså overordna, medan våre forslag er konkrete på kva som må gjerast. Forslaga våre er basert på tilbakemelding frå førstelinja – dei som har dette som sitt verke, seier Lerbrekk.

• Les flere saker om fagbevegelsen, arbeidsliv og politikk på vår forside