JavaScript is disabled in your web browser or browser is too old to support JavaScript. Today almost all web pages contain JavaScript, a scripting programming language that runs on visitor's web browser. It makes web pages functional for specific purposes and if disabled for some reason, the content or the functionality of the web page can be limited or unavailable.

Tariffavtale

Streik kan stenge populær restaurant: – Forsøkte å presse tilsette ut av fagforeining

Olivia Hegdehaugsveien kan måtte stenge frå 15. februar. Da går tilsette ut i streik, dersom arbeidsgivaren ikkje inngår tariffavtale.
Pizza- og pastarestauranten i Oslo nektar å inngå tariffavtale med Fellesforbundet. No er tilsette klare til å streike for betre lønns- og arbeidsvilkår.

Pizza- og pastarestauranten i Oslo nektar å inngå tariffavtale med Fellesforbundet. No er tilsette klare til å streike for betre lønns- og arbeidsvilkår.

Tormod Ytrehus

tormod@lomedia.no

– Vi har ikkje ei verdig lønn, seier tillitsvalt Kasim Shah som forklaring på kvifor Fellesforbundet-medlemmane vil ha tariffavtale.

Men restaurant-gruppa Olivia nekta å signere da Fellesforbundet sende tariffkrav i midten av september.

Heller ikkje hos Riksmeklaren førre veke vart partane einige om å inngå tariffavtale på avdelinga i Hegdehaugsveien.

Fellesforbundet har derfor varsla streik for 25 medlemmar frå og med 15. februar. Da må truleg kjøkkenet stenge, og folk må kjøpe seg pizza og pasta andre stadar.

– Fiendtleg leiing forhindrar avtale

– Leiinga hos Olivia har vore veldig fiendtlege mot Fellesforbundet. Dei har prøvd heile vegen å forhindre ei tariffavtale. Dei har heller ikkje anerkjent Fellesforbundet sin tillitsvalt, fortel Lillian Knutsen i Fellesforbundet avdeling 10 til Magasinet for fagorganiserte.

Arbeidsgivaren har trua med at ei anna bedrift som nyleg fekk tariffavtale, måtte legge ned avdelingar, noko som ikkje stemmer, hevdar Knutsen.

– Vi har også fått tilbakemeldingar frå medlemmar som seier dei har blitt forsøkt pressa ut av Fellesforbundet av arbeidsgivaren. For nokre har presset blitt for stort.

Olivia-gruppa kjenner seg ikkje igjen i dette. Sjå heile svaret lengre ned i saka.

Merethe Solberg og Lillian Knutsen i Fellesforbundet avdeling 10 førebur seg på streik blant medlemmar på Oliva Hegdehaugsveien.

Merethe Solberg og Lillian Knutsen i Fellesforbundet avdeling 10 førebur seg på streik blant medlemmar på Oliva Hegdehaugsveien.

Tormod Ytrehus

– Tariffavtale er eit minstekrav

Det er ikkje ofte tilsette må streike for tariffavtale.

Førre gong det skjedde i Fellesforbundet avdeling 10, som organiserer restauranttilsette i Oslo, var streiken på Godt Brød i Nydalen for fire år sidan.

– Vi ønsker ikkje streik, men at arbeidsgivar på lik linje med tilsette ser viktigheita av tariffavtale og samarbeid. Det er eit minstekrav i arbeidslivet med avtaler som sikrar gode lønns- og arbeidsvilkår, seier fagforeiningsleiar Merethe Solberg til Magasinet.

Den Oslo-baserte Olivia-gruppa har også fire andre avdelingar i hovudstaden, og avdelingar i Bergen, Trondheim, Stavanger og Lillestrøm, i tillegg til i Sverige og i Finland.

Majoritetseigar er investeringsfonda til norske Herkules Capital.

På Peppes ordna sjefen tariffavtale i rekordfart: – Dei tilsette ville ha det, da måtte dei jo få det

– Ikkje råd til å jobbe

– Det har vore veldig intenst, men stemninga blant dei tilsette er god. Vi har fått mykje støtte frå fagforeininga, seier tillitsvalt Shah til Magasinet.

Han er servitør og bartender på Olivia Hegdehaugsveien. Han tok i fjor sommar over arbeidet med å få på plass tariffavtale på Olivia-avdelinga.

Han var lei av å miste kollegaar til andre restaurantar med høgare lønn, fortel han.

– Vi er som ein stor og samansveisa familie, med fantastisk arbeidsmiljø. No mistar vi ein del av familien fordi dei ikkje har råd til å jobbe her, forklarer han.

Pizza- og pastarestauranten i Oslo nektar å inngå tariffavtale med Fellesforbundet. No er tilsette klare til å streike for betre lønns- og arbeidsvilkår.

Pizza- og pastarestauranten i Oslo nektar å inngå tariffavtale med Fellesforbundet. No er tilsette klare til å streike for betre lønns- og arbeidsvilkår.

Tormod Ytrehus

Han trekker også fram prisveksten, på både mat og straum, som grunn til at lønna må opp no.

Alle kokkane har organisert seg i Fellesforbundet, ifølge Shah, noko som betyr at kjøkkenet blir stengt under ein streik.

Han fortel at kokkane er arbeidsinnvandrarar og at fleire finansierer familie i heimlandet. Dei jobbar lange dagar for å tene mest mogleg pengar, forklarer han.

– Mange er redde for å miste jobben. Men eg er oppvaksen her og kan lovene, slår han fast.

– Det er så viktig at dei tør å ta kampen, seier fagforeiningsleiar Solberg.

Vil ha kraftig lønnsauke i bransjen: – Basert drifta på billig arbeidskraft i mange år

– Fellesforbundets avtale er mykje betre

Olivia Hegdehaugsveien har frå før ei såkalla husavtale om lønns- og arbeidsvilkår.

No krev Fellesforbundet-medlemmane altså Riksavtala som er ei landsdekkande tariffavtale for heile bransjen.

– I sum er tariffavtala til Fellesforbundet mykje betre, meiner tillitsvalt Shah.

Han listar opp fordelar dei tilsette får med tariffavtala til Fellesforbundet: kvelds-, natt- og helgetillegg, ansiennitetstillegg og høgare overtidstillegg.

I tillegg trekker han fram at vaktlistene ikkje kan endrast på kort varsel utan samtykke frå dei tilsette.

– Leiinga hos Olivia har vore veldig fiendtlege mot Fellesforbundet. Dei har prøvd heile vegen å forhindre ei tariffavtale, seier Lillian Knutsen i Fellesforbundets avdeling 10.

– Leiinga hos Olivia har vore veldig fiendtlege mot Fellesforbundet. Dei har prøvd heile vegen å forhindre ei tariffavtale, seier Lillian Knutsen i Fellesforbundets avdeling 10.

Tormod Ytrehus

Meiner tariff er god reklame

Fagforeiningsleiar Merethe Solberg legg til: rett til lokale lønnsforhandlingar, velferdspermisjon med lønn blant anna for å gå til lege, godtgjering for vask av uniform, få dekt sko, ei veke meir ferie med lønn og lønn heile dagen når ein blir sjuk på dagen eller sendt heim.

Fagforeininga meiner dessutan at tariffavtale er god reklame og bra for omdømmet til bedriftene.

– Vi blir ringt ned av folk som lurer på kva restaurantar med tariff dei kan ete på. Folk har blitt meir og meir opptatt av det, forklarer Knutsen som jobbar på kontoret i fagforeininga.

– Espresso House har nyleg fått tariffavtale på fleire avdelingar, og dei klarer å drive med både låge prisar og gode lønns- og arbeidsvilkår, legg Solberg til.

Espresso House: De tilsette sakna ein tariffavtale. Nå har Rehana (20) fått til noko ingen har klart

Kjenner seg ikkje igjen

HR-direktør Kristin Arnkværn i Olivia-gruppa kjenner seg ikkje igjen at tilsette har blitt pressa til å melde seg ut av Fellesforbundet.

Det er fritt val om du vil vere medlem i eit fagforbund eller ikkje i Norge, slår ho fast.

– Men det er trist å høyre at det er opplevinga. Det er ikkje sånn vi ønsker å bli oppfatta, seier ho.

– Vi ønsker at dei som jobbar hos oss skal ha eit val. Vi ønsker å følge det som dei fleste vil, og opplevinga vår er at husavtala som er framforhandla av våre eigne medarbeidarar, er noko dei aller fleste medarbeidarar ønsker.

– Vi stiller oss ikkje i vegen for tariffavtale og ønsker at fleirtalet skal få det dei ønsker, seier HR-direktøren i Olivia-gruppa.

– Vi stiller oss ikkje i vegen for tariffavtale og ønsker at fleirtalet skal få det dei ønsker, seier HR-direktøren i Olivia-gruppa.

Tormod Ytrehus

Arbeidsgivaren og Fellesforbundet-klubben er også ueinige om kor mange som faktisk jobbar på restauranten.

Klubben hevdar at rundt 55 tilsette jobbar på kjøkkenet og i restauranten, mens HR-direktøren viser til at 79 tilsette er registrert med Hegdehaugsveien som arbeidsstad.

– Vi fekk ei liste frå Fellesforbundet som er utdatert, der sju medlemmar har slutta hos oss og sju har meldt til driftssjefen ved Hegdehaugsveien at dei ønsker å melde seg ut, men ikkje får lov til det. Det betyr for oss at fleirtalet ønsker avtale med husforeininga. Vi stiller oss ikkje i vegen for tariffavtale og ønsker at fleirtalet skal få det dei ønsker.

HR-direktøren kjenner seg heller ikkje igjen at tilsette sluttar på grunn av lønna.

– Vi er førti prosent større på sommaren, så vi har naturlege endringar i arbeidsstaben. Vi har ein turnover som er studentar og unge menneske på veg i livet.

Les meir: Andreas (27) er usikker på kor lenge han haldar i servitøryrket: – Vi står, går og berar hele tida

Dette er en sak fra

Vi skriver om ansatte i store bransjer i privat sektor, blant annet industri, bygg, transport og hotell- og restaurant.

Les mer fra oss

Annonse

Flere saker

Annonse